Ярэмічы — цудоўны куточак на Карэліччыне. Ён прываблівае не толькі навакольнымі краявідамі, але талентамі і гасціннасцю. У нядзелю, 26 мая, яны ажылі па-сапраўднаму: тут прымалі гасцей, якія прыехалі на свята, раздзяліць радасць прыйшлі і вяскоўцы. Ім было што паслухаць і што паглядзець. Добрае надвор’е спрыяла правядзенню ўрачыстасці — атрымаўся сапраўдны карнавал.
Ярэмічы — цудоўны куточак на Карэліччыне. Ён прываблівае не толькі навакольнымі краявідамі, але талентамі і гасціннасцю. У нядзелю, 26 мая, яны ажылі па-сапраўднаму: тут прымалі гасцей, якія прыехалі на свята, раздзяліць радасць прыйшлі і вяскоўцы. Ім было што паслухаць і што паглядзець. Добрае надвор’е спрыяла правядзенню ўрачыстасці — атрымаўся сапраўдны карнавал.
Далей жа Каралева запрашае надзець маскі: «У нас ёсць маскі спачування і ліслівасці, і нават маскі для дабра і разумення. Для смутку, смеху, павагі і годнасці, і цуда-маскі для любові і спагады».
Конкурсная праграма пачынаецца. Паказваюць гульнёвыя праграмы аддзелы культуры і вольнага часу «Жухавіцкі Дом культуры» («Тайна залатога ключыка») і «Красненскі Дом культуры»(«Чупа-Чупс»).
«Прыгоды Бабкі Ёжкі і Кікімары» — такую праграму паказалі работнікі Мірскага Дома культуры.
Радуе выступленне студыі роставых лялек «Яркае свята для ўсіх» Дзятлаўскага раённага Цэнтра культуры і народнай творчасці (кіраўнік Іван Каско) сваім інтэрактыўным шоу «Чабурашка і сакрэт выдатнага настрою».
Сваё выступленне падрыхтавала група «Марсіяне» сектара «Варанчанскі сельскі клуб» аддзела культуры і вольнага часу «Цырынскі Дом культуры».
Узорны тэатр роставых лялек «Шчарсунок» Шчорсаўскага СДК Навагрудскага аддзела культуры і народнай творчасці (кіраўнік Ядзвіга Моніч) прадстаўляе спектакль «Як лыска ваўком быў».000 
Аддзелы культуры і вольнага часу «Райцаўскі Дом культуры», «Малюшыцкі Дом культуры» і «Баранавіцкі Дом культуры» дэманструюць праграму «Зоркі сышліся» і атрымлімліваюць гучныя апладысенты ўдзельнікаў карнавала.
І ў рэшце рэшт, не засталіся ў даўгу і самі гаспадары. Народны тэатр гульні «Ярэміцкія маскі» (кіраўнік Валянціна Падалянчык) парадавалі прысутных тэатралізаванай пастаноўкай «Казкі пераблыталіся».
Кожнае выступленне заварожвала па-свойму і ўзнімала настрой, але вердыкт вынесла журы. Дырэктар Карэліцкага раённага Цэнтра культуры і народнай творчасці Наталля Гароднік дала высокую адзнаку: «Свята ўдалося, атрымалася яркім і ўзняло настрой ва ўдзельнікаў і гледачоў. Гэтыя ўражанні надоўга застануцца ў нашай памяці».
Падведзены вынікі карнавала: лепшым казачным героем прызнана Святлана Абламейка (Жухавічы), Каралём карнавала — Іван Каско (Дзятлава), Каралевай карнавала — Марына Зайцава (Ярэмічы), лепшы касцюм карнавала — «Ярэміцкія маскі», найлепшае маскараднае шоу — «Зоркі сышліся», самы крэатыўны касцюм — «Марсіяне», лепшы экакасцюм — «Прыгоды Бабкі Ёжкі і Кікімары», загадка маскарада — Красненскі Дом культуры. Супер-калектывам прызнаны «Шчарсунок», а супер-мульцігероем —»Яркае свята для ўсіх». Пераможцы ўзнагароджаны Дыпломамі. Дыплом за ўдзел ўручаны Турэцкаму Дому культуры.
СЛОВА — УДЗЕЛЬНІКАМ СВЯТА:
Аксана НАЗАРЭВІЧ,
жыхарка аграгарадка Ярэмічы:
— Мне падабаецца, калі людзі нясуць радасць адзін аднаму. І сёння я прыйшла, каб яе атрымаць. Сама люблю дарыць радасць іншым, імкнуся дапамагчы і словам, і справай. Гэтаму вучу і сваіх дзяцей. Сёння нашы сыны Дзмірый і Іван выступаюць з дзецьмі ў танцы «Смайлік». Спадзяюся, што яны ў будучым не зменяць гэтаму добраму накірунку. Калі дорыш радасць людзям, то самому становіцца радасна на душы. Дабро рабіць — дабро будзе.
Наталля СІНІЦА,
маці траіх дзяцей, жыхарка вёскі Вялікая Вобрына:
— Заўсёды прыходзім на святы і прымаем у іх актыўны ўдзел. Да таго ж, удзельнічаюць дзеці. Вось сёння ўсе трое дачок: Анастасія, Дар’я, Ксенія. Прыйшлі на свята і бабулі Вераніка Феліксаўна і Таіса Паўлаўна. Усе разам імкнёмся радаваць іншых і самі радавацца. Ярэміччына — наш цудоўны край, які багаты на добразычлівых і таленавітых людзей. Калі хтосьці хоць раз пабудзе ў Ярэмічах, то захоча сюды зноў вярнуцца. Хачу выказаць падзяку кіраўніку танцавальнага гуртка «Каблучок» Дасько Наталлі Міхайлаўне, якая дапамагае развіваць таленты нашых дзяцей.
Галіна СМАЛЯНКА
Фота Аксаны БАСЮК